香港三大新興運動熱點推介！

西沙Go Park ：全新運動探索體驗！

‍

西沙GO PARK由全球知名的扎哈‧哈迪德建築事務所（Zaha Hadid Architects）操刀設計，充滿未來感，將人文、環境及建築無縫融合。呢度嘅設計以流線形同幾何美學見稱，打造多層次景觀，為運動、娛樂、餐飲、文化和休閒提供充足嘅開放空間同多功能配套設施。

‍

於天台嘅高架公園，可以欣賞到西沙嘅自然景觀同戶外大型體育設施嘅全景，而中央廣場同橋樑連接運動、餐飲、娛樂和多功能設施，營造出充滿活力嘅氛圍。同時，重視低碳環保，加入大量綠色植物及四季花卉嘅園境概念，成為香港獨一無二嘅新地標。

‍

• 地址：西沙海映路9號
• 前往方法：港鐵屯馬線烏溪沙站及港鐵東鐵線大學站，只須4至8分鐘，未來會有不同巴士和小巴路線提供服務
• 開放時間：2024年第二季落成，6月開始分階段營運

‍

設施亮點：

‍

• AXA 安盛創夢館：大型室內主場館，可容納1,500名觀眾，適合舉行演唱會、文化活動及主題展覽。
• Just Climb 攀石場：首次設立戶外攀石場，舉行攀石課程及同樂日活動。
• Super Motion 健身中心：佔地6,000平方呎，提供24小時健身設施，同瑜伽、跳舞、健身堂課堂。
• Sports Park：佔地超過100萬呎，提供多元化嘅戶外運動場地，包括高爾夫球、網球、足球、三人籃球、滾軸溜冰等。特別推介高爾夫球練習場，配備Trackman雷達科技，提供獨特嘅練習體驗。

‍

快啲約朋友嚟西沙Go Park探索呢個全新地標，享受運動同打卡樂趣！🏞️

‍

兆禧運動場 ：運動達人天堂！

‍

屯門兆禧運動場佔地逾4萬呎，由本地社區營造工作室「一口設計工作室」按照「社區樞紐」理念設計。透過重新劃線增加用途，同時以奪目色彩及創意字體，精心營造多個「笑，嘻」嘅打卡位，成為全港首個「籃球 X 平衡車」特色多用途運動場。

‍

運動場設施包括：

‍

• 1個全場籃球場
• 1個多用途球場
• 2個特色單邊籃球場
• 1個「遊戲地景」
• 2條150米嘅緩步徑
• 1個「車胎地帶」

‍

亮麗藍色主色調配合橙色同白色線條，形成強烈對比，打卡效果一流！另外，場地設有特色賽道，可以用嚟做平衡車訓練同比賽。除咗運動，仲有多個「笑，嘻」主題嘅打卡位，好似通往球場嘅樓梯、「笑左笑右」打卡牆等，活潑又玩味！

‍

• 地址：香港屯門屯門鄉事會路2A號愛定商場天台
• 前往方法：乘坐輕鐵至屯門碼頭或兆禧站
• 部分設施需預約，請上民坊官網預約使用場地。

‍

堅彌地城臨時籃球場 ：街頭籃球新熱點！

‍

堅彌地城臨時籃球場位於海邊，前身係「金銀貿易場游泳棚」同「鐘聲游泳棚」，而家變成咗沙倉球場。而且HYBE 男團TWS嘅 MV 亦曾經係呢度取景！天氣好嘅時候，呢度可以欣賞到靚景，邊打籃球邊享受海邊風景，心情自然更加開心！

‍

• 地址：香港中西區堅尼地城西寧街
• 前往方法：由堅尼地城港鐵站步行過來，需時11分鐘

‍

無論你係運動狂熱者，定係只想搵個靚地方打卡，呢三個新場地都一定唔會令你失望！快啲約埋你嘅運動朋友一齊去探險，感受一下香港最新運動嘅場地魅力啦！💪🎉

‍

‍